EP1: “ಹೇಗಿದ್ದೀಯೋ ಅವಿವೇಕಿ?!!” - ಡಾ. ಬಿ.ಎಲ್ ವೇಣು ಲೈಫ್ ಸ್ಟೋರಿ

Updated: Jan 24

ಬೆಳಿಗ್ಗೆ 8 ಗಂಟೆ. ಜುಲೈ 27, 2018, ಸುಮಾರು. ಎಂದಿನಂತೆ ಬೆಲ್ಲದ ಟೀ ಕುದಿಸಿ ಲೋಟಕ್ಕೆ ಸುರಿದು ನನ್ನ ಹೆಂಡತಿ ಸವಿತಾಳಿಗೆ ಒಂದು ಲೋಟ ಕೊಟ್ಟು ನಾನೊಂದು ಲೋಟ ಕೈಲಿ ಹಿಡಿದು ಪಾರ್ಲೆಜಿ ಬಿಸ್ಕೆಟ್ ಜೊತೆ ಬೆಳಗಿನ ಚಹಾ ಕುಡಿಯಲು ತೊಡಗುವ ಮೊದಲು ಪೇಪರ್ ಹುಡುಗ ಗಿರಿ ಇವತ್ತಿನ ಪತ್ರಿಕೆ ಹಾಕಿದ್ದಾನ ಅಂತ ಬಾಗಿಲ ಹೊರಗೆ ನೋಡಿದೆ. 27 ವರ್ಷಗಳ ಹಿಂದೆ ಅವಿದ್ಯಾವಂತನಾದ ನನ್ನಪ್ಪನಿಂದ ನನಗೆ ಪರಿಚಯವಾದ 'ಪ್ರಜಾವಾಣ ’ ಅಸ್ತವ್ಯಸ್ತವಾಗಿ ರೈಲ್ವೇ ಹಳಿಗಳ ಮೇಲೆ ಪ್ರಾಣ ಬಿಟ್ಟ ವಲಸೆ ಕಾರ್ಮಿಕರ ದೇಹಗಳಂತೆ ಮೆಟ್ಟಿಲುಗಳ ಮೇಲೆಲ್ಲಾ ಹರಡಿಕೊಂಡು ಬಿದ್ದಿತ್ತು. ಒಂದು ಒಂದೂವರೆ ಗಂಟೆಗಳ ಕಿರು ಅವಧಿಯೊಳಗೆ 300+ ಪೇಪರ್ ಹಾಕಿ ಮುಂದಿನ ಕೆಲಸಕ್ಕೆ ಓಡುವ ಗಿರಿಗೆ ಎರಡು ಫ್ಲೋರ್ ಹತ್ತಿಕೊಂಡು ಬಂದು ಪೇಪರ್ ಹಾಕಿ ಹೋಗು ಅಂತ ಯಾವ ಬಾಯಲ್ಲಿ ಹೇಳಲಿ ಅನ್ನಿಸಿ ಚೆಲ್ಲಾಪಿಲ್ಲಿಯಾಗಿದ್ದ ಪ್ರಜಾವಾಣ ಯನ್ನ ಒಂದುಗೂಡಿಸಿ ಒಳಗೆ ಬಂದು ಚಹಾ, ಪಾರ್ಲೆಜಿ ಜೊತೆಗೆ ಅಂದಿನ ಸುದ್ದಿ ಮೇಯತೊಡಗಿದೆ. “ಅರ್ಧ ಕೆಜಿ ಜಾಮೂನ್ ಪ್ಯಾಕ